लकडाउनलाई अझै सशक्त बनाउने पक्षमा कोरोना रोकथाम उच्चस्तरीय समिति

काठमाडौं । सरकारले कोरोनाभाइरस संक्रमण रोक्न अहिले अख्तियार गरेको नितिलाई प्रभावकारी र सशक्त बनाउने विषयमा छलफल गरेकोछ । मंगलबार प्रधानमन्त्री निवास बालुवाटारमा बसेको कोरोना रोकथाम तथा नियन्त्रण उच्चस्तरीय समितिको बैठकले यस्तो निर्णय गरेको समितिका सदस्य सचिव तथा प्रधानमन्त्री कार्यालयका सचिव नारायणप्रसाद विडारीले जानकारी दिए ।

‘कोही पनि व्यक्ति र नागरिक हाम्रो मुलुकमा कोरोनाबाट मृत्युबरण गर्न नपरोस् भनेर अहिले अख्तियार गरेको नितिलाई प्रभावकारी र सशक्त बनाउने विषयमा छलफल भएको छ’ बैठकपछि सचिव विडारीले बताए । उनले लकडाउन मन्त्रिपरिषद बैठकले थप छलफल गरेर निर्णय गर्ने उनले जानकारी दिए ।